Mae Heddlu De Cymru yn parhau i ymchwilio i farwolaeth William Bush ar Noswyl Nadolig yn Llandaf, Caerdydd.

Cafodd William Bush, 23 oed, ei ganfod ag anafiadau angheuol mewn cyfeiriad ar Stryd y Capel ychydig ar ôl 11:30am ddydd Sul, 24 Rhagfyr, 2023.

Cafodd Dylan Thomas, 23 oed, o Landaf, ei gyhuddo o lofruddiaeth ddydd Mawrth, 26 Rhagfyr 2023, ac mae'n cael ei gadw yn y ddalfa nes y bydd yn ymddangos yn y llys.

Dywedodd yr Uwch-swyddog Ymchwilio, Ditectif Arolygydd Rebecca Merchant, o Heddlu De Cymru:

"Fel rhan o'r gwaith ymchwilio parhaus, mae nifer o dystion wedi cael eu hadnabod ac mae'r Tîm Ymchwilio wedi siarad â nhw'n barod.
"Fodd bynnag, rwy'n apelio am unrhyw un a oedd ar Stryd y Capel neu'n agos at yr heol rhwng y Stryd Fawr a maes parcio Talu ac Arddangos Stryd Fawr Llandaf rhwng 11:15am a 11:45 ar Noswyl Nadolig, nad ydynt eto wedi siarad â'r heddlu, i gysylltu â ni.
"O'r Teledu Cylch Cyfyng, mae'n ymddangos bod sawl person yn y cyffiniau nad ydynt eto wedi cael eu hadnabod ac nad ydym wedi siarad â nhw, ac felly rwy'n gofyn i'r unigolion hynny gysylltu â ni. Hyd yn oed os ydych yn teimlo fel na welsoch ac na chlywsoch chi unrhyw beth, cysylltwch â ni, fel bod modd i ni eich dileu fel tyst yn yr ymchwiliad hwn."

Gellir cyflwyno gwybodaeth a deunydd fideo ar ddyfeisiau megis ffonau symudol, camerâu teledu cylch cyfyng, clychau drws neu gamerâu dashfwrdd drwy'r ddolen hon https://mipp.police.uk/operation/62SWP23B82-PO1

Fel arall, gallwch gysylltu â Heddlu De Cymru drwy un o'r ffyrdd canlynol gan ddyfynnu 2300436163.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/contact/af/contact-us-forms/provide-more-information-to-be-added-to-a-crime-report/
• E-bost [email protected]
• 101

Ffoniwch 999 bob amser mewn argyfwng.