Mae Heddlu De Cymru yn parhau i ymchwilio i farwolaeth sydyn ac anesboniadwy Stephen Bulpin a fu farw ger Clwb Rygbi Llandaf

 

Mae Heddlu De Cymru yn parhau i ymchwilio i farwolaeth sydyn ac anesboniadwy Stephen Bulpin a fu farw ger Clwb Rygbi Llandaf.

Cynhaliwyd post-mortem ac mae archwiliadau pellach yn mynd rhagddynt i ganfod achos y farwolaeth.

Mae Heddlu De Cymru yn parhau i ymchwilio i farwolaeth sydyn ac anesboniadwy Stephen Bulpin a fu farw ger Clwb Rygbi Llandaf ar Rodfa'r Gorllewin, Caerdydd.

Daethpwyd o hyd i Mr Bulpin, 65 oed o'r Tyllgoed, Caerdydd, ar y llwybr ger y clwb rygbi am tua 3am fore Llun, 18 Mawrth.

Cynhaliwyd post-mortem ac mae archwiliadau pellach yn mynd rhagddynt i ganfod achos y farwolaeth.

Dywedodd y Ditectif Arolygydd Bob Chambers, o Heddlu De Cymru:

"Nid yw'r ymchwiliadau cychwynnol wedi datgelu na chadarnhau unrhyw achos amlwg o'i farwolaeth. Fodd bynnag, mae'r ymholiadau helaeth yn parhau i sefydlu union achos ac amgylchiadau marwolaeth Mr Bulpin.
"Hoffwn ddiolch i aelodau'r cyhoedd a wnaeth ymateb i'n hapêl am wybodaeth drwy gyflwyno gwybodaeth ac enghreifftiau posibl o'i weld sydd wedi bod o gymorth enfawr i ni.
"Mae cordonau'r heddlu bellach wedi cael eu codi ac rydym yn diolch i'r gymuned am eu cymorth a'u dealltwriaeth wrth i ni gynnal ymholiadau yn yr ardal hon."

Mae teulu Mr Bulpin yn parhau i gael eu diweddaru am yr ymchwiliad.

Gofynnir i unrhyw un a all fod wedi gweld Stephen neu fod mewn cysylltiad ag ef rhwng 4pm ddydd Sul, 17 Mawrth a 3am ddydd Llun, 18 Mawrth, i gysylltu â ni.

Mae'r ditectifs yn awyddus i siarad yn benodol ag unrhyw un a allai fod wedi cwrdd â Stephen neu fod mewn cysylltiad ag ef ger Cathedral Close yn ystod oriau mân fore Llun, 18 Mawrth.

Os gallwch helpu, cysylltwch â Heddlu De Cymru drwy un o'r ffyrdd canlynol gan ddyfynnu'r cyfeirnod 2400089199.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bost [email protected]
• 101

Ffoniwch 999 bob amser mewn argyfwng.