Menyw wedi'i dedfrydu ar ôl ymosodiad difrifol yng nghanol dinas Abertawe
Cynnwys y prif erthygl
Mae Emily Williams, sy'n 25 oed ac yn dod o Gydweli, wedi cael dedfryd o bum mlynedd yn y carchar yn dilyn ymosodiad difrifol yng nghanol dinas Abertawe.
Digwyddodd yr ymosodiad yn Peppermint ar Stryd y Gwynt ym mis Tachwedd 2022. Cafodd y dioddefwr anafiadau difrifol ar ei wyneb o ganlyniad i'r ymosodiad â gwydr. Aeth swyddogion i'r lleoliad a chafodd Emily Monica Williams, yr unigolyn dan amheuaeth, ei nodi a'i harestio.
Dywedodd y Ditectif Arolygydd Chris Evans:
“Ni chaiff trais ei oddef yn yr economi liw nos, ac mae Heddlu De Cymru yn ymrwymedig i fynd i'r afael ag unrhyw droseddu.
“Mae'n bwysig bod y cyhoedd yn teimlo'n ddiogel yng nghanol y ddinas yn ystod y nos, ac rydym yn gweithio mewn partneriaeth â'r Awdurdod Lleol er mwyn darparu Mannau Cymorth a chynnal ymgyrchoedd rhagweithiol yn yr ardal."