Menyw wedi'i dedfrydu am droseddau cyffuriau ac arfau ym Mhen-y-bont ar Ogwr
Cynnwys y prif erthygl
Ddydd Sul, 26 Tachwedd 2023, cynhaliodd swyddogion sy'n gysylltiedig â'n Huned Troseddau Cyfundrefnol chwiliad o dan warant Adran 23 o'r Ddeddf Camddefnyddio Cyffuriau mewn cyfeiriad ar Heol Loveluck, Pen-y-bont ar Ogwr.
Tra roedd y swyddogion yno, ceisiodd Karen Louise Amos gael gwared ar fagiau o gyffuriau Dosbarth A drwy eu rhwygo ar agor a thaflu'r cynnwys o gwmpas yr ystafell fyw.
Cafodd nifer o eitemau eu hadfer a'u hatafaelu gan y swyddogion a oedd yn gyson â throseddau meddiant gyda'r bwriad o gyflenwi.
Cafodd Karen Amos ei dedfrydu ar 5 Mawrth yn Llys y Goron Caerdydd i bum mlynedd a chwe mis, ar ôl pledio'n euog i'r canlynol:
- Bod â swm o “grac” cocên yn ei meddiant gyda'r bwriad o'i gyflenwi
- Bod â swm o ddiamorffin yn ei meddiant gyda'r bwriad o'i gyflenwi
- Bod ag arf a ddyluniwyd neu a addaswyd i ryddhau rhywbeth yn ei meddiant, sef canister nwy.
- Bod ag arf a ddyluniwyd neu a addaswyd i ryddhau rhywbeth yn ei meddiant, sef dyfais stynio ar fodrwy bigo.
- Bod ag arf a ddyluniwyd neu a addaswyd i ryddhau rhywbeth yn ei meddiant, sef dyfais stynio ar y migwrn.
Dywedodd y Ditectif Ringyll Lia Jones: “Mae cynnal chwiliadau o'r fath o dan warantau cyffuriau yn dangos ein hymrwymiad di-ildio i dargedu'r rheini sy'n ymwneud â'r math hwn o drosedd.
“Mae Heddlu De Cymru yn benderfynol o darfu ar weithgareddau'r rheini sy'n ymwneud â chyflenwi cyffuriau yn Sir Pen-y-bont ar Ogwr er mwyn i ni allu diogelu'r bobl fwyaf agored i niwed yn ein cymunedau.”
Mae cyffuriau yn effeithio ar bawb, p'un a ydych yn eu defnyddio ai peidio. Ond faint wyddoch chi am gyffuriau, y peryglon a'r gwaith rydym ni a'n partneriaid yn ei wneud i fynd i'r afael â'r broblem?
Cliciwch ar y ddolen isod i ddysgu mwy.
Cafodd y gwaith rhagweithiol hwn ei gefnogi gan gyllid ychwanegol gan y Ganolfan Cydgysylltu Llinellau Cyffuriau Genedlaethol.