Dyn wedi'i garcharu ar ôl ei gael yn euog o Ymosod yn Rhywiol ac Ymddygiad Rheolaeth drwy Orfodaeth

Mae dyn o Rondda Cynon Taf wedi cael ei garcharu ar ôl iddo gael ei ganfod yn euog am droseddau rhyw yn Llys y Goron Abertawe.

Mae Dean Jones, 34 oed o Donyrefail, wedi cael ei ddedfrydu i garchar am 10 mlynedd ar ôl ei gael yn euog o Ymosod yn Rhywiol ac Ymddygiad Rheolaeth drwy Orfodaeth.

Mae wedi cael ei osod ar y Gofrestr Troseddwyr Rhyw am oes. Mae'r dioddefwr wedi cael gorchymyn atal am oes ar waith.

Dywedodd y Ditectif Arolygydd Chris Evans:

"Cafodd y dioddefwr yn yr achos hwn ei gam-drin gan y troseddwr am gyfnod o chwe blynedd. Dioddefodd drais, ymddygiad rheolaethol a cham-drin rhywiol.

"Mae mynd i'r afael â throseddu o'r math hwn yn flaenoriaeth i Heddlu De Cymru, ac oherwydd cryfder y dioddefwr wrth iddi ddarparu ei thystiolaeth, roedd swyddogion yn gallu casglu'r dystiolaeth i gael Dean Jones yn euog.

"Rydym yn annog unrhyw ddioddefwr troseddu o'r math hwn i roi gwybod amdano i'r Heddlu. Mae trais yn erbyn menywod a merched yn parhau i fod yn flaenoriaeth i'r heddlu, a bydd unrhyw adroddiad yn cael ei ymchwilio iddo er mwyn sicrhau y caiff troseddwyr fel Dean Jones eu herlyn, a'u dioddefwyr eu diogelu am byth."

Ceisiwch help a chymorth os ydych chi neu rywun rydych yn ei adnabod wedi dioddef trais rhywiol, ymosodiad rhywiol neu drosedd rywiol arall: https://www.south-wales.police.uk/cy-GB/riportio/riportio/riportiwch/alpha-v1/cyngor/treisio-ymosod-rhywiol-a-throseddau-rhywiol-eraill/