Dyn wedi'i garcharu am ddwyn gwerth cannoedd ar filoedd o bunnoedd o elusen ym Mhort Talbot
Cynnwys y prif erthygl
Mae dyn wedi cael ei garcharu am ddwyn gwerth cannoedd ar filoedd o bunnoedd o elusen ym Mhort Talbot.
Aeth Andrew Philpin, 57 oed o Barc Wern, Sgiwen, ati i ddwyn dros £300,000 o'r YMCA lle roedd yn gweithio, gan beri risg i'r elusen fynd yn fethdalwr. Mae'r YMCA hefyd wedi colli ei statws elusennol ac mae'n bosibl y bydd nifer mawr o staff yn colli eu swyddi.
Dros gyfnod o chwe blynedd, gwnaeth ddwyn £310,000 o'r elusen.
Cafodd Andrew Philpin ei ddedfrydu i bum mlynedd yn y carchar am dwyll. Bydd ymchwiliad enillion troseddau yn cael ei lansio nawr er mwyn adfer yr arian a ddygwyd gan yr elusen.
Dywedodd y Ditectif Gwnstabl Annie Rees:
"Roedd hwn yn dwyll hir dymor sydd wedi cael effaith ddinistriol, nid yn unig ar elusen leol, ond hefyd ar rhai a gyflogir gan yr elusen a'r rhai sy'n dibynnu ar ei gwasanaethau.
"Camfanteisiodd Andrew Philpin ar ei swydd gyfrifol o fewn yr elusen, a bydd nawr yn gywir ddigon yn cael dedfryd o garchar."