Dyn wedi ei ddedfrydu ar ôl achosi marwolaethau dau unigolyn ifanc drwy yrru'n beryglus
Cynnwys y prif erthygl
Mae dyn o Abertawe wedi cael ei ddedfrydu i chwe blynedd yn y carchar ar ôl achosi marwolaeth dau unigolyn ifanc drwy yrru yn 2022.
Plediodd Owain Hammett-George, 19 oed o Birchgrove, yn euog i achosi marwolaeth drwy yrru'n beryglus ym mis Chwefror eleni.
Plediodd hefyd yn euog i un achos o achosi anaf difrifol drwy yrru'n beryglus.
Bu'r unigolion 19 oed Ben Rogers a Kaitlyn Davies farw yn y digwyddiad, a ddigwyddodd ar y B4436 yn Bishopston ym mis Mai 2022. Aethpwyd â merch 17 oed, Casey-Leigh Thomas, i'r hysbyty hefyd ag anafiadau difrifol, gan gynnwys anafiadau i'r ymennydd a thorri ei gwddf.
Dywedodd y Ditectif Ringyll Deborah Hobrough:
“Roedd hwn yn ddigwyddiad trasig lle collodd dau unigolyn ifanc eu bywyd, a chafodd un arall ei hanafu'n ddifrifol. Yn haeddiannol, mae'r gyrrwr ar fin cychwyn ar ddedfryd o garchar.
“Hoffwn ddiolch i'r teulu am yr urddas a'r amynedd y maent wedi'u dangos drwy gydol yr ymchwiliad.
“Gobeithio bydd yr achos hwn yn tynnu sylw at y risgiau o yrru'n beryglus i ddefnyddwyr eraill y ffyrdd.”