Dioddefwr a fu farw wedi'i enwi a dau unigolyn wedi'u cyhuddo
Cynnwys y prif erthygl
Mae dyn a fu farw yn dilyn ymosodiad yn Nhonypandy ddydd Llun 1 Ionawr wedi cael ei enwi fel Conall Evans, 30 oed, o Bentre.
Mae teulu Conall wedi talu'r deyrnged ganlynol iddo: “Roedd Conall yn fab, yn frawd ac yn aelod o'r teulu annwyl iawn, a bydd colled enfawr ar ei ôl.”
Mae'r swyddogion sy'n ymchwilio i'r ymosodiad bellach wedi cyhuddo dau ddyn o lofruddiaeth. Ashley Davies, 30 oed o Bentre, a Dewi Morgan, 24 oed o Donypandy.
Bydd y ddau ddyn yn ymddangos gerbron Llys Ynadon Merthyr Tudful ddydd Iau 4 Ionawr.
Dywedodd y Ditectif Brif Arolygydd Paul Raikes, “Hoffwn ddiolch i'r gymuned am ei chefnogaeth a'i hamynedd wrth i ni ymchwilio i'r digwyddiad hwn.
“Gwyddom fod digwyddiadau diweddar wedi tarfu ar y gymuned leol ac wedi achosi cryn ofid, ond rydym yn parhau i fod yn ddiolchgar am eich cymorth parhaus.”
Rydym yn parhau i apelio am wybodaeth mewn perthynas â'r digwyddiad, a gofynnir i unrhyw dystion gysylltu â ni drwy https://mipp.police.uk/operation/62SWP24B93-PO1 neu drwy ddefnyddio'r Cod QR isod: