Bwyd a brynwyd gan leidr yn McDonalds gan ddefnyddio cerdyn ei ddioddefwr yn arwain at ei arestio

Cafodd lleidr ei arestio ar ôl defnyddio cerdyn ei ddioddefwr i brynu bwyd yn McDonald's.

Mae Jason Jones, 38 oed, wedi cael ei garcharu am bedair blynedd yn dilyn bwrgleriaeth yn ystod oriau mân y bore ar 3 Mehefin 2023, pan aeth i gartref y dioddefwr ym Mhentre'r Eglwys tra roedd y dioddefwr yn cysgu.

Tra roedd yno, gwnaeth Jason ddwyn nifer o eitemau gan gynnwys waled ac allweddi car y dioddefwr. Defnyddiodd Jones gerdyn y dioddefwr wedyn i brynu bwyd ym McDonalds. Gwnaeth ddwyn car y dioddefwr hefyd a'i daro'n fuan wedyn cyn rhedeg i ffwrdd.'

Daethpwyd o hyd i un o gwpanau coffi McDonalds yn y car wedi'i ddwyn a thrwy archwiliad fforensig ac ymholiadau teledu cylch cyfyng, cafodd Jones ei gysylltu â'r drosedd.

Cafodd ei arestio wedyn a'i gyhuddo gan swyddogion.

Dywedodd y Ditectif Gwnstabl Michael Flowers, “Rydym yn croesawu'r ddedfryd hon a byddwn yn parhau i weithio'n ddiflino i fynd ar ôl bwrgleriaid fel Jason Jones er mwyn gwneud ein cymunedau'n fwy diogel.”

Ers hynny, mae Jones wedi cael ei garcharu am bedair blynedd a'i wahardd rhag gyrru am gyfanswm o wyth mlynedd.