Bwrgler haerllug yn cael ei garcharu am dros bum mlynedd
Cynnwys y prif erthygl
Torrodd Neil Fry, 52 oed, i mewn i dri thŷ ar Penllyn Road, Treganna tra roedd y preswylwyr yn cysgu i fyny'r grisiau.
Yn oriau cynnar y bore ar 3 Awst 2023, torrodd Fry i mewn i dri thŷ a cheisiodd dorri mewn i bedwerydd tŷ. Gwnaeth ddwyn eitemau gwerth uchel gan gynnwys cardiau banc, gemwaith, pwrs a Macbook.
Credir i Fry fynd drwy erddi cefn y cartrefi i gyflawni'r troseddau. Ar ôl y bwrgleriaethau, defnyddiodd y cardiau yr oedd wedi'u dwyn yn Tesco y diwrnod hwnnw i brynu alcohol a sigaréts.
Llwyddodd y Ditectifs i ddod o hyd i DNA Fry yn lleoliad yr ymgais i dorri i mewn i dŷ, a gwnaeth deunydd teledu cylch cyfyng hefyd ei gysylltu â'r troseddau.
Cafodd ei ddedfrydu yn Llys y Goron Caerdydd ddoe i gyfnod o bum mlynedd a thri mis yn y carchar.