Siopleidr adnabyddus o'r Rhondda wedi'i wahardd o bob siop yn y Cymoedd

Mae lleidr adnabyddus o'r Rhondda wedi cael ei garcharu a'i wahardd o restr hir o fanwerthwyr.

Gwnaeth Jamie Johnson, 42 oed o Donypandy, ddwyn gwerth miloedd o bunnoedd o eiddo o fanwerthwyr ledled cymoedd De Cymru dros gyfnod o ddau fis.

Gwnaeth Johnson ddwyn cynhyrchion fel alcohol, cig, cardiau crafu, golchydd pwysedd aer a hyd yn oed set o ddannedd Dracula o siopau cadwyn mawr a manwerthwyr annibynnol bach.

Byddai Johnson weithiau'n defnyddio technegau tynnu sylw i dwyllo gweithwyr siopau, a chyflawnodd 17 o achosion ar wahân o ddwyn yn ystod mis Awst a mis Medi 2024.

Ar 4 Hydref, ar ôl pledio'n euog i 17 o droseddau ar wahân, cafodd Johnson ei garcharu yn Llys Ynadon Merthyr Tudful am 26 wythnos.

Bu cais am Orchymyn Ymddygiad Troseddol i wahardd Jamie Johnson o bob siop yng Nghwm Cynon, Parc Manwerthu Cyfarthfa, a phob siop Boots, Tesco, Co-op a Farm Foods ledled Rhondda Cynon Taf a Merthyr Tudful am gyfnod o dair blynedd, hefyd yn llwyddiannus.

Dywedodd Jon Abel, Cwnstabl yr Heddlu:

“Mae Jamie Johnson yn lleidr adnabyddus a deithiodd o gwm i gwm yn targedu siopau a chynhyrchion gwahanol y gallai eu gwerthu ymlaen.
“Nid yw ei droseddau'n rhai heb ddioddefwyr – gallant fod yn ddinistriol, yn enwedig i fanwerthwyr annibynnol bach, ac mae'r math hwn o drosedd yn atal buddsoddiad pwysig gan siopau cadwyn mwy, sy'n cael effaith ar gymunedau cyfan.
“Bydd y gorchymyn ymddygiad troseddol yn helpu i ddiogelu busnesau lleol rhag ei ffordd droseddol o fyw ac mae'r achos hwn yn dangos ein hymrwymiad i fynd i'r afael ag achosion o ddwyn o siopau a chefnogi'r diwydiant.”