Hysbysiad Adran 35 wedi'i gyhoeddi, Butetown a Grangetown, Caerdydd

Mae Swyddogion yn Butetown a Grangetown, Caerdydd, wedi cael pwerau ychwanegol i atal cynulliadau, y defnydd o dân gwyllt ac ymddygiad gwrthgymdeithasol cysylltiedig dros gyfnod Calan Gaeaf.

Mae'r gorchymyn yn fesur ataliol yn dilyn nifer o adroddiadau a gafwyd y mis hwn am bobl yn taflu tân gwyllt at aelodau o'r gymuned ac ymddygiad gwrthgymdeithasol cysylltiedig.

Bydd gorchymyn gwasgaru 48 awr, a roddir o dan Adran 35 o Ddeddf Ymddygiad Gwrthgymdeithasol, Troseddu a Phlismona 2014, ar waith rhwng 6:00pm ddydd Iau 31 Hydref a 6:00pm ddydd Sadwrn 2 Tachwedd, 2024.

O dan Adran 35 o'r Ddeddf, gall swyddogion gyfarwyddo unrhyw un sy'n achosi, neu sy'n debygol o achosi aflonyddwch, braw neu drallod, i adael yr ardal fel y'i dangosir yn y map.

Bydd gan swyddogion hefyd y pŵer i atafaelu unrhyw eiddo y maent yn amau ei fod yn cael ei ddefnyddio i achosi ymddygiad gwrthgymdeithasol.

 

 

Mae'r gorchymyn yn fesur ataliol yn dilyn nifer o adroddiadau a gafwyd y mis hwn am bobl adnabyddus yn taflu tân gwyllt at aelodau o'r gymuned ac ymddygiad gwrthgymdeithasol cysylltiedig.

Dywedodd yr Arolygydd Dros Dro Samantha Johnson o Heddlu De Cymru:

“Bydd y gorchymyn gwasgaru ar waith am y 48 awr nesaf fel mesur ataliol.

“Byddwch yn gweld mwy o swyddogion yn ardaloedd Butetown a Grangetown. Bydd swyddogion yn cymryd camau ar unwaith i orfodi'r pwerau ychwanegol a roddwyd iddynt er mwyn cadw'r gymuned yn ddiogel.

“Rydym yn annog rhieni a gwarcheidwaid i siarad â'u plant am beidio â chymryd rhan mewn ymddygiad gwrthgymdeithasol. Sicrhewch hefyd eich bod yn gwybod â phwy y maent yn cymdeithasu, beth maent yn ei wneud a ble maent.”

Mae gan Heddlu De Cymru ddull gweithredu dim goddefgarwch mewn perthynas ag ymddygiad gwrthgymdeithasol a dim ond un enghraifft yw'r gorchymyn gwasgaru hwn o'r gwaith rydym yn ei wneud.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â ni.
Anogir unrhyw un sydd ag amheuon neu wybodaeth am weithgarwch anghyfreithlon i gysylltu â ni.

• Sgwrs Fyw https://www.south-wales.police.uk/
• Rhoi gwybod ar-lein https://www.south-wales.police.uk/cy-GB/riportio/riportio/
• E-bost [email protected]
• 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.