Marwolaethau Trowbridge: Diweddariad ymchwiliadol
Cynnwys y prif erthygl
Mae Heddlu De Cymru yn parhau i ymchwilio i farwolaethau sydyn cwpl mewn eiddo yn Trowbridge, Caerdydd.
Er nad yw'r unigolion wedi'u hadnabod ffurfiol eto, credir mai menyw 72 oed a dyn 74 oed ydynt. Mae'r perthnasau agosaf yn cael cymorth.
Galwyd ar y gwasanaethau brys i'r tŷ ar Morfa Crescent, tua 2.50pm ddydd Sadwrn 5 Hydref.
Dywedodd y Ditectif Brif Arolygydd Lianne Rees o Heddlu De Cymru: “Rydym yn deall bod y digwyddiad hwn wedi syfrdanu a thristáu'r gymuned leol.
“Mae ymholiadau helaeth yn cael eu cynnal er mwyn sefydlu'r amgylchiadau a arweiniodd at y digwyddiad hwn.
“Rydym yn aros am ganlyniadau'r archwiliadau post mortem a fydd yn cadarnhau achos eu marwolaethau. Ar hyn o bryd, nid ydym yn chwilio am unrhyw un arall mewn cysylltiad â'u marwolaethau.”
Daethpwyd o hyd i reiffl yn yr eiddo. Daethpwyd hefyd o hyd i gi wedi marw yn y cyfeiriad.
Hoffem ddiolch i'r gymuned leol am ei hamynedd a'i dealltwriaeth tra bod cordonau yn eu lle o hyd.