Dedfrydu dyn am droseddau rhyw hanesyddol

Mae dyn 38 oed wedi cael ei ddedfrydu am ymosod ar blentyn ifanc yn rhywiol 12 mlynedd yn ôl.

Dedfrydwyd Shannon Leigh Newth i 16 mlynedd o garchar heddiw a chafodd orchymyn atal am oes.

Dim ond 7 oed oedd y plentyn pan gafodd ei cham-drin yn 2011, ond dechreuodd yr ymchwiliad yn 2023 pan roddodd y dioddefwr wybod am y gamdriniaeth, ar ôl iddi weld post Facebook ar ein sianeli cyfryngau cymdeithasol a dynnodd sylw at achos tebyg.

Dywedodd y swyddog ymchwilio, y Ditectif Georgia Davies:

“Mae hwn yn achos lle nad oedd y dioddefwr yn teimlo'n gyfforddus yn datgelu'r troseddau i unrhyw un tan sawl blwyddyn yn ddiweddarach.

“Hoffwn ddiolch i'r dioddefwr am ei dewrder a'i chryfder wrth siarad â ni ac am ei hymrwymiad yn ystod yr ymchwiliad.

“Roedd y troseddau yn brofiad erchyll i blentyn ifanc ei wynebu pan ddylai fod wedi bod yn mwynhau ei phlentyndod. Drwy gysylltu â ni, hyd yn oed ar ôl sawl blwyddyn, mae wedi sicrhau bod Newth dan glo lle na all frifo unrhyw un arall.

“Gobeithio y bydd unrhyw un sy'n teimlo na fyddwn yn cymryd eu profiadau o ddifrif am fod blynyddoedd wedi mynd heibio yn gwybod y gallant siarad â ni o hyd. Baswn yn annog unrhyw un sydd wedi dioddef ymosodiad rhyw, neu'n adnabod rhywun sydd wedi dioddef hyn, i gysylltu â ni. Byddwn yn gwrando arnoch, a byddwn yn ymchwilio iddo."

I gael cyngor ar droseddau rhyw, ewch i https://www.south-wales.police.uk/cy-GB/riportio/riportio/riportiwch/alpha-v1/cyngor/treisio-ymosod-rhywiol-a-throseddau-rhywiol-eraill/