Mae Heddlu De Cymru yn parhau i ymchwilio i anhrefn dreisgar yn Llanrhymni, Caerdydd

Digwyddodd yr anhrefn yn dilyn gêm bêl-droed ac roedd yn cynnwys grŵp o unigolion, a dywedwyd bod gan rai ohonynt arfau a'u bod wedi gorchuddio eu hwynebau.

Mae Heddlu De Cymru yn parhau i ymchwilio i anhrefn dreisgar yn Llanrhymni, Caerdydd.

Ychydig ar ôl 4pm ddydd Sadwrn (12 Hydref) cafodd yr heddlu eu galw i aflonyddwch y tu allan i Ganolfan Hamdden y Dwyrain, Llanrumney Avenue.

Digwyddodd yr anhrefn yn dilyn gêm bêl-droed ac roedd yn cynnwys grŵp o unigolion, a dywedwyd bod gan rai ohonynt arfau a'u bod wedi gorchuddio eu hwynebau.

Roedd sawl ymosodiad, gan gynnwys un ar ddyn 32 oed o Drelái sydd wedi dioddef anafiadau a fydd yn newid ei fywyd, a chafodd cerbyd ei ddifrodi.

Dywedodd y Ditectif Arolygydd Daniel Todd, o Heddlu De Cymru:

“Roedd lefel y trais yn ofnadwy ac ni chaiff hyn ei oddef. “Yn ddealladwy, mae'r digwyddiad hwn wedi ysgwyd y gymuned, ac mae'n rhaid ei fod wedi dychryn pawb dan sylw.
“Rydym yn ddiolchgar am y wybodaeth rydym wedi'i chael hyd yma ac yn apelio ar unrhyw dystion i gysylltu â ni.”

Gofynnir i unrhyw un sydd â gwybodaeth neu ddeunydd fideo gysylltu â ni drwy un o'r ffyrdd canlynol gan ddyfynnu cyfeirnod 2400340400:

• Sgwrs Fyw https://www.south-wales.police.uk/cy-GB/
• Cysylltwch â ni drwy https://bit.ly/SWPProvideInfo
• 101, neu Crimestoppers yn ddienw ar 0800 555 111

Ffoniwch 999 bob amser mewn argyfwng.