Carcharu dyn o Gastell-nedd Port Talbot am gyflawni sawl trosedd mewn diwrnod

Mae dyn o Gastell-nedd Port Talbot wedi cael ei garcharu yn dilyn sawl bwrgleriaeth ac achos o ddwyn ar yr un noson.

Cyflawnodd Craig Leismeier, 35 oed o Fargam, ei droseddau yn ardal Tai-bach, Port Talbot nos Lun 30 Medi. Targedodd fangre drwyddedig a siop elusen, ac roedd hefyd yn gyfrifol am ddwyn jar o arian cildwrn mewn bwyty.

Mae Leismeier, a oedd ar ddedfryd ohiriedig pan gyflawnodd ei droseddau, bellach wedi cael ei ddedfrydu i chwe mis yn y carchar.

Dywedodd yr Arolygydd Tom Richardson:

“Mae Craig Leismeier bellach yn dechrau dedfryd yn y carchar wedi iddo achosi gofid i berchnogion busnesau yn y gymuned mewn cyfres gyflym o droseddau.

“Mae gan ein busnesau lleol yr hawl i deimlo'n ddiogel, ac ni fyddwn yn goddef troseddau o'r natur hon. Byddwn yn arestio'r troseddwyr ac yn eu dwyn i gyfrif.”