Dyn wedi marw ar safle ailgylchu yng Nghaerdydd.
Cynnwys y prif erthygl
Mae Heddlu De Cymru wedi lansio ymchwiliad i farwolaeth dyn yn dilyn damwain ar safle Ailgylchu Atlantic yng Nghaerdydd.
Tua 12.45pm ddoe (Dydd Llun, 8 Gorffennaf) cafodd y gwasanaethau brys eu galw ar ôl cael gwybod am ddyn a oedd wedi'i anafu ar y safle ar Newton Road.
Bu farw'r dyn o'i anafiadau a rhoddwyd gwybod i'w deulu.
Mae ymchwiliad ar y cyd yn mynd rhagddo rhwng Heddlu De Cymru a'r Awdurdod Gweithredol Iechyd a Diogelwch i sefydlu amgylchiadau'r digwyddiad.
Dywedodd y Ditectif Ringyll, Richard Hill, o Heddlu De Cymru: “Hoffem nodi ein cydymdeimlad â theulu'r dyn a gollodd ei fywyd yn anffodus iawn.
"Ein nod nawr, ar y cyd â'r Awdurdod Gweithredol Iechyd a Diogelwch, yw cynnal ymchwiliad trylwyr a sefydlu achos y digwyddiad trasig hwn.”
Caiff y corff ei adnabod yn ffurfiol heddiw.