Llofruddiaeth Kelvin Evans: Dyn wedi'i gyhuddo

Mae dyn wedi cael ei gyhuddo o lofruddiaeth ar ôl marwolaeth dyn 64 oed yn dilyn ymosodiad yn y Station Hotel yng Ngorseinon ddydd Sul, 26 Mai.

Mae Christopher Cooper, sy'n 39 oed o'r Ardal Forwrol yn Abertawe, wedi cael ei gyhuddo mewn cysylltiad â marwolaeth Kelvin Evans o Orseinon.

Dywedodd teulu Mr Evans:

"Rydym wedi ein llorio gan farwolaeth drist a disynnwyr mab, brawd ac ewythr arbennig, cariadus a doniol a oedd yn ffrind i lawer.

"Rydym yn ceisio dod i delerau â'r sefyllfa a gofynnwn am amser i alaru'n breifat fel teulu."

Dywedodd y Ditectif Arolygydd David Butt:

“Hoffwn ddiolch i aelodau'r gymuned am eu cymorth gyda'r ymchwiliad hwn. Bydd Christopher Cooper yn ymddangos gerbron llys maes o law.

"Mae teulu Mr Evans yn ymwybodol o'r cyhuddiad newydd, ac yn parhau i gael cymorth swyddogion sydd wedi'u hyfforddi'n arbennig.

“Rydym yn parhau i apelio am unrhyw dystion i'r digwyddiad hwn a oedd naill ai yn y Station Hotel neu'r tu allan i'r eiddo.”

Gall unrhyw un sydd â gwybodaeth gysylltu â Heddlu De Cymru gan ddyfynnu cyfeirnod: 2400172904.

Ewch i:

💬 Sgwrs Fyw https://www.south-wales.police.uk/cy-GB/
💻 Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
📞 101