Dyn o Abertawe wedi'i garcharu ar ôl cyflenwi cyffuriau Dosbarth A
Cynnwys y prif erthygl
Mae dyn o Abertawe wedi cael ei garcharu ar ôl ymwneud â chyflenwi cyffuriau Dosbarth A.
Canfuwyd Jay Hume, sy'n 26 oed o West Cross, ar ôl i'w rif ffôn gael ei adnabod mewn cyfathrebiadau ag unigolyn arall a gafodd ei arestio am droseddau cyffuriau ym mis Mehefin.
Datgelodd yr archwiliad o ffôn symudol Hume nifer mawr o negeseuon yn ymwneud â thaliadau am y cocên roedd Hume yn ei gyflenwi.
Cafodd ei ddedfrydu i chwe blynedd yn y carchar yn Llys y Goron Abertawe ar ôl ymwneud â chyflenwi'r cocên.
Dywedodd y Ditectif Ringyll Thomas Richardson:
"Roedd Jay Hume yn chwarae rhan allweddol wrth gyflenwi cocên ar hyd strydoedd Abertawe a bellach mae wedi cael ei garcharu am sawl blwyddyn, gan leihau ei allu i achosi perygl i'r cyhoedd.
"O ddadansoddi negeseuon ar ffôn symudol Hume, roedd yn amlwg ei fod ef a'i gyfoedion wedi bwriadu ehangu eu gweithgaredd yn ddiweddarach eleni drwy recriwtio delwyr ychwanegol."
"Mae'r ddedfryd hon yn dangos nad yw troseddau cyffuriau yn talu – byddwch yn cael eich adnabod, eich arestio, a'ch erlyn yn unol â'r gyfraith."