Carcharu tri am ddynwared swyddogion yr heddlu yn ystod bwrgleriaeth

 

Mae tri dyn o Gastell-nedd Port Talbot wedi cael eu carcharu ar ôl dynwared swyddogion yr heddlu cyn cynnal bwrgleriaeth treisgar yng nghartref eu dioddefwr.

Gwnaeth Justin Lewis, 45 oed, a Matthew Pugh, 37 oed, o Aberafan, ynghyd â Leighon Weaver, 41 oed, o Bort Talbot, dargedu cyfeiriad ar Sycamore Crescent, Baglan ym mis Chwefror.

Ar ôl curo'n swnllyd ar ddrws ffrynt y cyfeiriad, gwnaeth ffrind y dioddefwr geisio galw am help drwy agor ffenestr yng nghefn yr eiddo, dim ond i weld un o'r dynion yn aros. Yna gwnaeth y dyn hwnnw fynd i mewn drwy'r ffenestr a gadael y ddau ddyn arall i mewn drwy agor y drws ffrynt.

Gwnaeth un o'r tri daro pen y dioddefwr â bricsen. Yn ffodus, dim ond mân anafiadau a gafodd y dioddefwr.

Mae'r tri dyn wedi cael eu dedfrydu i 29 mis yr un yn Llys y Goron Abertawe.

Dywedodd y Ditectif Gwnstabl Philip Jones:

"Gwnaeth Justin Lewis, Matthew Pugh a Leighon Weaver dargedu eu dioddefwr yn ddidostur ac ymddwyn y dreisgar heb boeni dim am lesiant y dioddefwr.

"Bu'r dioddefwr yn ddewr yn amddiffyn ei gartref, ond yn y pen draw, cafodd ei drechu gan dri throseddwr. Yn ffodus, dim ond mân anafiadau a gafodd y dioddefwr, ond er hynny, mae wedi cael profiad brawychus – yn ei gartref ei hun ac yng nghanol y dydd.

"Mae'r tri diffynnydd bellach yn haeddiannol oddi ar ein strydoedd ac mae'r gymuned yn fwy diogel oherwydd hynny.”