Carcharu dyn o Abertawe am drais a throseddau rhywiol

 

Mae dyn o Abertawe wedi cael ei garcharu yn dilyn euogfarn am drais ac ymosodiad rhywiol.

Gwnaeth Daniel Blight, dyn 37 oed o Fonymaen, dreisio ei ddioddefwr pan oedd yn cysgu, a dim ond ar ôl i'r dioddefwr wylio deunydd fideo teledu cylch cyfyng y cartref y sylweddolodd bod hyn wedi digwydd.

Mae wedi cael ei ddedfrydu i saith mlynedd yn y carchar.

Dywedodd y Ditectif Gwnstabl Elizabeth Picton:

"Manteisiodd Daniel Blight ar ei ddioddefwr pan oedd yn gwbl ddiymadferth, ond cafodd ei ddal ar gamera mewn tystiolaeth hanfodol ar gyfer ei euogfarn.

"Yma yn Heddlu De Cymru rydym yn benderfynol o fynd ar drywydd troseddwyr sy'n euog o gyflawni troseddau rhywiol ac yn sicrhau bod y dioddefwyr yn cael cyfiawnder. Mae'n cymryd dewrder mawr i ddioddefwr roi gwybod am drosedd rywiol, ac ni chaiff ymddygiad fel hyn ei oddef."

Os ydych wedi cael eich treisio neu wedi dioddef ymosodiad rhywiol, rydym yma i chi. Os ydych yn barod, gallwch roi gwybod am achos o dreisio neu ymosodiad rhywiol i ni ar-lein.

Ond os nad ydych am siarad â ni, neu os bydd angen cymorth ychwanegol arnoch, mae llawer o bobl a all helpu.

Chi sy'n rheoli, a chi sy'n cael dewis pwy i siarad â nhw a pha help a gewch.

Gallwch roi gwybod am drais neu ymosodiad rhywiol yma: Riportio treisio, ymosod rhywiol a throseddau rhywiol eraill

Ceir rhagor o wybodaeth am gymorth ar gyfer dioddefwyr trais ac ymosodiad rhywiol yma: Cymorth ar gyfer treisio ac ymosodiadau rhywiol