Ymgyrch Winsford: Mynd i'r afael ag achosion o ddelio mewn cyffuriau a throseddau ac anhrefn cysylltiedig yw nod ymgyrch newydd yr heddlu

Mae swyddogion o amrywiaeth o adrannau, gan gynnwys Uned Plismona'r Ffyrdd a'r Adran Gŵn, yn gweithio gyda Thimau Cymdogaeth lleol i dargedu ardaloedd lle mae aelodau o'r gymuned wedi codi pryderon.

Y Barri oedd yr ardal gyntaf i Ymgyrch Winsford ganolbwyntio arni yn gynharach y mis hwn a arweiniodd at sawl canlyniad cadarnhaol, gan gynnwys arestio un dyn am fod â chyffuriau yn ei feddiant gyda'r bwriad o'u cyflenwi, atafaelu £2,500 o dan y Ddeddf Enillion Troseddau ac atafaelu tri char heb yswiriant yr amheuir iddynt gael eu defnyddio i droseddu.

Mae gan Heddlu De Cymru ddull gweithredu dim goddefgarwch at ddelio mewn cyffuriau, a dim ond un enghraifft yw Ymgyrch Winsford o'r ffordd rydym yn mynd i'r afael ag achosion o ddelio mewn cyffuriau yn y gymuned.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â ni.

Anogir unrhyw un sydd ag amheuon neu wybodaeth am achosion o gyflenwi cyffuriau anghyfreithlon i gysylltu â ni.

• Sgwrs Fyw
• Rhoi gwybod ar-lein
• E-bost [email protected]
• 101

Neu Crimestoppers yn ddienw ar 0800 555 111

Ffoniwch 999 bob amser mewn argyfwng.