Ymgyrch M4: Mynd i'r afael â gyrwyr heb yswiriant yn Ne Cymru

Gwelwyd cerbydau heb yswiriant yn cael eu hatafaelu ar hyd 170 o filltiroedd o lonydd yr M4 gan fenter y Ganolfan Yswiriant Modur (MIB), a oedd yn gweithio ochr yn ochr â Heddluoedd De Cymru, Gwent, Avon, Gwlad yr Haf, Wiltshire a Dyffryn Tafwys.

Ar ôl cyfnod o friffio yn y bore bu swyddogion Heddlu De Cymru ar ddyletswydd ar hyd yr M4, gan ddefnyddio camerâu ANPR (System Adnabod Rhifau Ceir yn Awtomatig) a sawl uned i adnabod a stopio gyrrwyr heb yswiriant.

Dyma'r canlyniadau:

. Miloedd o blatiau cofrestru cerbydau wedi'u gwirio yn erbyn MID, cofrestr yr holl bolisïau yswiriant byw yn y DU.

. 109 o gerbydau wedi'u stopio.

. 51 o gerbydau wedi'u hatafaelu, a 5 arestiad a 7 erlyniad ar gyfer troseddau eraill

. 24 o droseddau eraill wedi'u nodi (24% o bob achos o stopio a 29% o'r rhai a atafaelwyd)

. 8 wedi'u canfod yn gyrru tra roeddent wedi'u gwahardd neu heb drwydded yrru/trwydded yrru wedi dod i ben.

. 16 heb MOT a/neu heb dreth

. 4 yn gyrru dan ddylanwad alcohol a/neu gyffuriau

. 2 gerbyd wedi'u dwyn

Bob 20 munud, caiff rhywun ei daro gan yrrwr heb yswiriant neu yrrwr sy'n taro a ffoi yn y DU. Mae hyn yn costio £53 bob blwyddyn ar gyfartaledd i fodurwyr mewn premiymau yswiriant.

Mae goblygiadau gyrru heb yswiriant yn cynnwys y canlynol:

. Gallai'r cerbyd gael ei atafaelu a'i ddinistrio.

. Hysbysiad cosb benodedig o £300

. Chwe phwynt ar drwydded

.  Os bydd yr achos yn mynd i'r llys, gallech gael eich gwahardd rhag gyrru neu dderbyn dirwy ddiderfyn.