Gwrthdrawiad traffig ffyrdd angheuol: enwi'r sawl a fu farw

Mae'r beiciwr modur a fu farw yn dilyn gwrthdrawiad traffig ffyrdd ar 30 Mawrth, ar y B4265 rhwng Maes Awyr Caerdydd a Llanilltud Fawr, wedi cael ei enwi fel Barrie Taylor, 51 oed, o Ben-y-bont ar Ogwr.

Bu farw Mr Taylor ar safle'r gwrthdrawiad er gwaethaf ymdrechion gorau aelodau o'r cyhoedd a'r parafeddygon a oedd yn bresennol.

Dymuna teulu Mr Taylor ddiolch iddynt am eu hymdrechion ar safle'r gwrthdrawiad.

Mae Heddlu De Cymru yn parhau i ymchwilio i'r gwrthdrawiad a ddigwyddodd ychydig cyn 1.10pm ddydd Sadwrn, 30 Mawrth, ar y B4265 rhwng Maes Awyr Caerdydd a Llanilltud Fawr, tua milltir o Gastell Ffwl-y-mwn.

Roedd y gwrthdrawiad yn cynnwys beiciwr modur a oedd yn gyrru beic modur Yamaha a gyrrwr Skoda.

Mae swyddogion yn apelio ar unrhyw un a all fod wedi gweld y gwrthdrawiad, neu a all fod â deunydd fideo camera dashfwrdd, i gysylltu â ni drwy un o'r ffyrdd canlynol, gan ddyfynnu'r rhif digwyddiad 2400103405.

Ewch i:

• Sgwrs Fyw https://www.south-wales.police.uk/cy-GB/
• Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• [email protected]
• 101

I roi gwybodaeth yn ddienw, cysylltwch â Crimestoppers ar 0800 555 111 neu drwy'r ddolen hon https://crimestoppers-uk.org/give-information/forms/pre-form