Gwrthdrawiad Heol Sloper: Dyn wedi'i arestio

Mae dyn wedi cael ei arestio mewn cysylltiad â gwrthdrawiad traffig ffordd a ddigwyddodd ar Heol Sloper, Caerdydd.

Mae teledu cylch cyfyng yn dangos car yn cael ei oryrru yn mynd ar balmant, yn taro merch fach ac yn ffoi.

Mae dyn 34 oed o Grangetown wedi cael ei arestio dan amheuaeth o yrru'n beryglus, peidio â stopio cerbyd, a pheidio â rhoi gwybod am ddamwain a oedd yn cynnwys cerbyd roedd yn ei yrru.

Mae'r car yr amheuir ei fod yn rhan o'r digwyddiad wedi cael ei atafaelu ac mae archwiliad fforensig yn mynd rhagddo.

Mae teulu'r ferch wedi cael y wybodaeth ddiweddaraf.

Yn rhyfeddol, dim ond mân anafiadau a gafodd y ferch fach, ond yn ddealladwy roedd y digwyddiad, a ddigwyddodd tua 5.50pm ddydd Sul, 24 Mawrth, yn un dychrynllyd iawn iddi hi a'i theulu.

Mae'r mater yn cael ei gymryd o ddifrif ac mae'r ymchwiliad yn mynd rhagddo'n effeithiol.

Mae'r dyn a arestiwyd ar fechnïaeth amodol tra bod rhagor o ymholiadau'n cael eu cynnal.

Os gwelsoch chi'r gwrthdrawiad neu'r cerbyd dan sylw, cysylltwch â ni drwy un o'r ffyrdd canlynol gan ddyfynnu rhif digwyddiad 2400097157.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://bit.ly/SWPProvideInfo
• E-bostiwch [email protected]
• 101

Ffoniwch 999 bob amser mewn argyfwng.