Gwrthdrawiad Heol Sloper: Apêl CCTV am wybodaeth

Mae Heddlu De Cymru yn parhau i ymchwilio i wrthdrawiad a ddigwyddodd ar Heol Sloper, Caerdydd.

Mae teledu cylch cyfyng yn dangos car yn cael ei oryrru yn mynd ar balmant, yn taro merch fach ac yn ffoi.

Yn rhyfeddol, dim ond mân anafiadau a gafodd y ferch fach, ond yn ddealladwy roedd y digwyddiad yn un dychrynllyd iawn iddi hi a'i theulu.

 

 

Mae'r swyddogion yn apelio i'r gyrrwr neu unrhyw un sydd â gwybodaeth i gysylltu â Heddlu De Cymru.

Digwyddodd tua 5.50pm ddydd Sul, 24 Mawrth, yn ystod gwyliau'r Pasg.

Gwnaeth y cerbyd drwgdybiedig, sef BMW llwyd, oddiweddyd cerbyd a oedd yn aros wrth gyffordd Langham Way a Heol Sloper.

Yna, aeth dros y palmant ar Heol Sloper a tharo merch 5 mlwydd oed a oedd ar ei sgwter ar y ffordd nôl o'r parc gyda'i mam a'i brawd.

Os oes gennych unrhyw wybodaeth neu ddeunydd fideo a allai ein helpu i adnabod y car a'i yrrwr, cysylltwch â ni drwy un o'r dulliau canlynol, gan ddyfynnu rhif digwyddiad 2400097157.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bost [email protected]
• 101

Ffoniwch 999 bob amser mewn argyfwng.