Gwrthdrawiad angheuol ar Heol Abertawe, Merthyr Tudful: Teyrnged gan y teulu

Mae'r fenyw 25 oed a fu farw yn dilyn gwrthdrawiad traffig ffordd ar Heol Abertawe, Merthyr Tudful, a ddigwyddodd am tua 11.45pm ddydd Gwener 5 Ebrill wedi cael ei henwi fel Demi Mabbitt o Aberfan.

Mae teulu Dami wedi talu teyrnged iddi, gan ddweud: “Roedd Demi yn ferch, wyres, chwaer, modryb a chyfnither hyfryd. 

“Roedd yn garedig ac yn addfwyn a byddai'n gwneud unrhyw beth i helpu unrhyw un.  Roedd yn rhan annatod o'n teulu a brwydrodd tan y diwedd. Gwnaethom ei cholli yn rhy gynnar o lawer. Mae ein teulu wedi eu llorio, a does dim geiriau i ddisgrifio'r golled a'r boen rydym yn eu teimlo.”

Mae swyddogion uned gwrthdrawiadau difrifol Heddlu De Cymru yn parhau i apelio i unrhyw un a all fod wedi gweld y gwrthdrawiad, neu a all fod â deunydd fideo camera cylch cyfyng o'r digwyddiad – neu a oedd yn gyrru cyn y digwyddiad – i gysylltu â nhw.

Roedd y gwrthdrawiad yn cynnwys un car, Audi S3 gwyn a oedd yn teithio ar hyd Heol Abertawe o Trago Mills tuag at yr A465.

Cysylltwch â ni gan ddyfynnu cyfeirnod 1420-050424, yn defnyddio un o'r dulliau canlynol:

• Sgwrs Fyw https://www.south-wales.police.uk/cy-GB/
• Drwy https://www.south-wales.police.uk/cy-GB/cysylltu-a-ni/
• E-bost [email protected]
• 101

Ffoniwch 999 bob amser mewn argyfwng.

Er mwyn rhoi gwybodaeth yn ddienw, cysylltwch â Crimestoppers ar 0800 555 111 neu drwy: https://crimestoppers-uk.org/give-information/forms/pre-form