Diweddariad ar Ymgyrch Viscaria: Mwy o ganlyniadau da wrth fynd i'r afael â phroblemau yng nghanol dinas Abertawe

Mae Ymgyrch Viscaria yn parhau i ddarparu mwy o bresenoldeb plismona er mwyn atal amrywiaeth o broblemau sy'n effeithio ar ganol dinas Abertawe, gan gynnwys ymddygiad gwrthgymdeithasol a dwyn o siopau.

Dyma rai o'r llwyddiannau dedfrydu diweddar gan dîm Ymgyrch Viscaria:

Joshua Hayter – 8 achos o ddwyn o gerbyd a thwyll – dedfryd o 4 mis
Samantha Johnson – 4 achos o ddwyn – dedfryd o 18 wythnos
Ashton Banfield – Achos o ddwyn a dau achos o ymosod – dedfryd ohiriedig o bythefnos
Harry Graham – Achos o ddwyn – dedfryd ohiriedig o 16 wythnos
Mark Davies – 10 achos o ddwyn – dedfryd o 16 wythnos

Dywedodd y Rhingyll James Truscott:

"Dim ond ciplun o'r camau gweithredu cadarnhaol a gymerwyd yn erbyn y bobl hynny sy'n parhau i droseddu yng nghanol y ddinas yw'r euogfarnau hyn.

"Ni fyddwn yn goddef unrhyw drosedd nac ymddygiad gwrthgymdeithasol, a byddwn yn parhau i gymryd camau gweithredu cadarnhaol er mwyn lleihau troseddau a dwyn y troseddwyr o flaen eu gwell yn brydlon.

"Rydym yn parhau i weithio'n agos gyda busnesau er mwyn eu hannog i roi gwybod am droseddau, ac rydym hefyd yn gwella tactegau atal gyda'r nod o atal troseddau ac yn parhau i fod yn ymrwymedig i wneud Canol Dinas Abertawe yn lle mwy diogel i weithio ynddo ac ymweld ag ef."