Ymchwiliad i lofruddiaeth yn Butetown: Cyhuddo dyn

Mae dyn wedi cael ei gyhuddo o lofruddio Ibrahim Yassin, 64 oed, yn Belmont Walk, Butetown, Caerdydd.

Bydd Mujeeb Rahman Hassani, 38 oed, o Butetown, yn ymddangos gerbron Llys Ynadon Caerdydd yfory (dydd Iau, 22 Chwefror).

Mae swyddogion cyswllt â theuluoedd arbenigol wedi rhoi'r wybodaeth ddiweddaraf i deulu Mr Yassin ac yn parhau i'w cefnogi.

Dywedodd y Ditectif Brif Arolygydd Matt Davies, yr Uwch-swyddog Ymchwilio:

“Mae marwolaeth Mr Ibrahim Yassin wedi achosi galar a thrallod aruthrol i'w deulu ac i gymuned glos Butetown. Rydym yn meddwl am ei deulu a'i ffrindiau ar yr adeg anodd hon.

“Mae nifer o swyddogion yr heddlu wedi bod yn bresennol yn Butetown yr wythnos hon, a hoffem ddiolch i'r gymuned leol am ei chefnogaeth a'i dealltwriaeth yn ystod ein hymchwiliad.”

Gofynnir i unrhyw un sydd â gwybodaeth gysylltu â Heddlu De Cymru drwy un o'r ffyrdd canlynol gan ddyfynnu rhif digwyddiad 2400056193.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.