Deliwr cocên o Ben-y-bont ar Ogwr wedi'i ddal ar Gamera Teledu Cylch Cyfyng

 

Am 4am fore Sadwrn 28 Hydref, gwelodd gweithredwr Camera Teledu Cylch Cyfyng ym Mhen-y-bont ar Ogwr, Skoda Arian yn cael ei yrru gan Joshua Allegretto, 31 oed, yn tynnu i mewn ar Highland Place, Pen-y-bont ar Ogwr, agor bonet y car a thynnu can diaroglydd Lynx a oedd o dan yr hidlwr aer.

Gellir ei weld yn tynnu eitemau allan o'r can Lynx ac yna'n mynd yn ôl i eistedd yn sedd y gyrrwr. Wedyn gwelir dau ddieithryn yn mynd at y car ac yn talu Allegretto gyda cherdyn banc yn gyfnewid am fag llawn powdr gwyn.

Llwyddodd swyddogion i ddilyn y car a dal Allegretto yn ddiweddarach y noson honno i'w chwilio. Daethpwyd o hyd i 28 o fagiau o gocên yn y can Lynx a oedd wedi'i guddio yn y bonet.

 

 

Dywedodd y Ditectif Arolygydd Ian Jones:

"Roedd ymddygiad hy Joshua Allegretto yn yr achos hwn yn tynnu sylw at y ffordd mae delwyr cyffuriau'n meddwl y gallant weithredu'n agored ac yn anghyfreithlon yn ein cymunedau. Byddwn yn parhau i fynd i'r afael â chyflenwi cyffuriau anghyfreithlon ac yn mynd ar drywydd y rhai sy'n cyflawni'r troseddau hynny yn ddiflino."

Cafodd Allegretto ei arestio a’i gyhuddo o ymwneud â chyflenwi cyffuriau rheoledig dosbarth A. Plediodd yn euog mewn treial yn Llys y Goron Caerdydd, ac ers hynny mae wedi cael ei ddedfrydu i bedair blynedd a hanner yn y carchar.