Teyrnged i ddioddefwr gwrthdrawiad traffig ffyrdd angheuol ar yr A473

Teyrnged i ddioddefwr gwrthdrawiad traffig ffyrdd angheuol ar yr A473

Mae Heddlu De Cymru yn parhau i ymchwilio i wrthdrawiad angheuol rhwng car Vauxhall a Lori ar yr A473 rhwng cylchfannau Efail Isaf a Llanilltud Faerdre am 9:55am ddydd Iau, 1 Awst.

Bu farw dyn 50 oed o Donysguboriau o ganlyniad i'r gwrthdrawiad ac ers hynny, mae wedi cael ei enwi'n Jason Maber.

Mae teulu Jason wedi talu'r deyrnged ganlynol iddo.

“Roedd pawb yn y teulu yn caru Jason yn fawr. Roedd yn fab, yn frawd, yn ewythr, yn nai, yn ŵyr, yn dad ac yn bartner cariadus.

Rydym yn dal i fod mewn sioc a dydyn ni ddim hyd yn oed wedi dechrau dod i delerau o'i golli.

Rydym eisoes yn gwybod y bydd yn gadael bwlch enfawr na fydd byth modd ei lenwi mewn cymaint o fywydau.

Roedd Jason wrth ei fodd â cherddoriaeth, yn enwedig Pync a bandiau amgen ac roedd yn ystyried ei hun yn amgylcheddwr.

Roedd yn angerddol am ailgylchu, achub y blaned a hawliau anifeiliaid.

Roedd yn unigolyn caredig iawn a oedd yn rhoi gofal amser llawn i'w bartner ond roedd yn rhoi cymaint i'r gymuned leol hefyd.

Rydym mor ddiolchgar i'r holl wasanaethau brys a geisiodd ei helpu yn y fan a'r lle ac i unrhyw un arall a wnaeth stopio i helpu.

Mae'n rhoi cysur i ni o wybod nad oedd ar ei ben ei hun”.

Mae swyddogion yn apelio at dystion i'r gwrthdrawiad neu unrhyw un sydd â deunydd fideo o gamera dashfwrdd a all fod wedi gweld y gwrthdrawiad neu'r hyn a ddigwyddodd cyn hynny, i gysylltu â nhw drwy ffonio 101 gan ddyfynnu'r cyfeirnod 2400256081.