Ymchwiliad i lofruddiaeth wedi'i lansio yn dilyn ymosodiad yng nghanol dinas Abertawe

Mae Heddlu De Cymru wedi lansio ymchwiliad i lofruddiaeth ar ôl i ddioddefwr ymosodiad difrifol yn Abertawe fis diwethaf farw o'i anafiadau.

Mae Joseph Dix, 26 oed o Ffraw, Gwlad yr Haf, a Macauley Ruddock, 27 oed o Gaerfaddon, Gwlad yr Haf, wedi cael eu cyhuddo mewn cysylltiad â'r ymosodiad, a ddigwyddodd ddydd Mercher 17 Gorffennaf.

Bu farw'r dioddefwr, dyn 33 oed o Falkirk, yr Alban, yn yr ysbyty ddydd Mercher 14 Awst.

Dywedodd y Ditectif Brif Arolygydd Matt Davies:

“Rydym yn meddwl am aelodau teulu'r dioddefwr. Maent yn cael eu cefnogi gan swyddogion sydd wedi cael hyfforddiant arbenigol.

"Rydym am siarad ag unrhyw un a welodd yr ymosodiad hwn neu unrhyw un a allai fod â deunydd teledu cylch cyfyng neu gamera dangosfwrdd o'r ymosodiad, a ddigwyddodd ger mynedfa Travelodge ar Ffordd y Dywysoges tua 2am ddydd Mercher 17 Gorffennaf."

Os gwelsoch chi'r ymosodiad hwn neu os oes gennych unrhyw wybodaeth a fydd yn helpu'r ymchwilwyr, cysylltwch â Heddlu De Cymru gan ddyfynnu 2400237176.

Sgwrs Fyw https://www.south-wales.police.uk/cy-GB/

Cysylltwch â ni drwy https://bit.ly/SWPProvideInfo

101

Ffoniwch 999 bob amser mewn argyfwng.