Dyn o Abertawe wedi'i ddedfrydu am helpu i ddwyn gwerth £18k o feiciau modur
Cynnwys y prif erthygl
Mae dyn o Abertawe wedi cael ei ddedfrydu am ei ran mewn achos o ddwyn beiciau modur gan nifer o wahanol berchnogion.
Plediodd Rhys Kent, 22 oed, yn euog i bedwar cyhuddiad o Drafod Nwyddau wedi’u Dwyn ar 8 Mai 2024.
Roedd y beiciau modur dan sylw, y daeth swyddogion o hyd iddynt wedi'u storio mewn cyfeiriad ym Mlaenymaes, yn werth dros £18,000.
Mae wedi cael ei ddedfrydu i chwe mis yn y carchar, i gyd-redeg â'i ddedfryd bresennol o bedair blynedd am droseddau'n ymwneud â chyffuriau.
Dywedodd y Rhingyll Elliott Griffin:
“Mae gennym ddull gweithredu dim goddefgarwch at y rheini y canfyddir eu bod yn trafod nwyddau wedi’u dwyn yn ein hardal.
“Byddwn yn mynd ar ôl y rheini sy'n ymgymryd â'r gweithgareddau anghyfreithlon hyn nes y byddant yn y ddalfa.
“Os bydd eich beic yn cael ei ddwyn, peidiwch â pheryglu eich hun. Ffoniwch yr heddlu ar unwaith ar 999 os byddwch yn ei weld yn cael ei ddwyn, neu rhowch wybod am drosedd ar-lein/ffoniwch 101 os byddwch yn sylwi ei fod wedi diflannu.”
Mae ein cyngor ar sut i amddiffyn eich beic modur, moped neu sgwter ar gael yma: Diogelwch eich beic modur, moped neu sgwter rhag lladrad | Heddlu De Cymru (south-wales.police.uk)