Cyhuddo tri dyn o ysgogi casineb hiliol

Mae tri dyn o Donypandy wedi cael eu cyhuddo o gyhoeddi deunydd bygythiol ar gyfrif Facebook, gyda'r bwriad o greu casineb crefyddol, yn groes i Ddeddf Trefn Gyhoeddus 1986.

Ymddangosodd Geraint Boyce, 43 oed, Jamie Michael, 45 oed, a Daffron Williams, 40 oed, gerbron Llys y Goron Merthyr ddydd Llun, 12 Awst, lle plediodd Geraint Boyce a Daffron Williams yn euog. Byddant yn cael eu dedfrydu ddydd Gwener, 16 Awst. Plediodd Jamie Michael yn ddieuog. Bydd ei wrandawiad llys nesaf ddydd Gwener, 23 Awst, yn Llys y Goron Merthyr. Mae'r tri wedi cael eu cadw yn y ddalfa yn aros am eu hymddangosiadau nesaf.

Mae tri arall wedi cael eu harestio ar amheuaeth o arddangos deunydd ysgrifenedig bygythiol a chamdriniol / sarhaus gyda'r bwriad ac yn debygol o greu casineb hiliol.

Mae dyn 27 oed o Benarth wedi cael ei ryddhau ar fechnïaeth ar gyfer ymholiadau pellach tan ddydd Iau, 7 Tachwedd, ac mae dynes 33 oed a dyn 39 oed, y ddau o Flaengwynfi, Castell-nedd Port Talbot, wedi cael eu rhyddhau ar fechnïaeth ar gyfer ymholiadau pellach tan ddydd Sadwrn, 9 Tachwedd.

Dywedodd y Ditectif Brif Arolygydd Matt Powell:

“Rwy'n gobeithio y bydd ein hymateb cyflym i'r digwyddiadau hyn yn anfon neges glir iawn y bydd goblygiadau difrifol i'r rhai sy'n meddwl y gallant gyhoeddi postiadau cas, hiliol neu ragfarnllyd.”