Marwolaeth diesboniad ym Môn-y-maen: Apêl am wybodaeth

Mae Heddlu De Cymru yn ymchwilio i farwolaeth diesboniad Rebekah Williams, 42 oed, o Fôn-y-maen, Abertawe. 

Cafodd swyddogion yr heddlu eu galw i gyfeiriad ei chartref ar Heol Myrddin ychydig cyn 8.50pm nos Iau, 2 Tachwedd.

Rhoddwyd gwybod i berthnasau Rebekah, ac maent yn cael eu cefnogi gan swyddogion arbenigol.

Maent wedi talu'r deyrnged ganlynol iddi: “Roedd Rebekah yn fenyw gymhleth iawn ond roedd ei theulu i gyd yn ei charu'n fawr.”

Mae dyn 36 oed wedi cael ei arestio mewn cysylltiad â'i marwolaeth ac mae ymholiadau'n parhau.

Dywedodd y Ditectif Brif Arolygydd Matt Davies o Heddlu De Cymru: “Rydym yn meddwl am deulu a ffrindiau Rebekah ar yr adeg hon.

"Bydd mwy o swyddogion yr heddlu i'w gweld yn yr ardal wrth i ni barhau â'n hymchwiliad i gadarnhau union amgylchiadau ei marwolaeth.

“Rydym yn annog unrhyw un a oedd yn ardal Heol Myrddin rhwng 8am a 9pm ddydd Iau ac nad ydynt wedi siarad â swyddogion eto, i gysylltu â ni.

“Mae'n hanfodol ein bod yn cadarnhau beth ddigwyddodd, felly rwy'n apelio at unrhyw un sydd â gwybodaeth i gysylltu â ni.”
Gellir cyflwyno gwybodaeth neu ddeunydd fideo ar-lein yma:

https://mipp.police.uk/operation/62SWP23B78-PO1

Fel arall, gallwch gysylltu â ni drwy un o'r ffyrdd canlynol, gan ddyfynnu rhif digwyddiad 2300374225.

🗪Sgwrs Fyw https://www.south-wales.police.uk/cy-GB/
💻 Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
📧 E-bost [email protected]
📞 101 neu Crimestoppers yn ddienw ar 0800 555 111.