Ymosodiad domestig erchyll yn arwain at 13 blynedd o garchar i'r ymosodwr

Yn hwyr un noson ym mis Gorffennaf 2022, bu digwyddiad domestig erchyll yn ardal Penrhys, pan ymosododd Jonathan Woods, 40 oed, ar ei bartner.

Tarodd Woods hi i'r llawr a stampio ar ei hwyneb, gan adael y ddioddefwraig yn ddiymadferth ac yn brwydro am ei bywyd ar ochr y ffordd. Yr unig dyst i'r ymosodiad arswydus hwn oedd plentyn ifanc.

Dywedodd DCI Emma Hampton, “Roedd yr olygfa a wynebodd y swyddogion yn un o'r rhai gwaethaf iddynt ei gweld erioed.

Ymatebodd y swyddogion yn wych, gan roi cymorth meddygol i'r ddioddefwraig a'i chludo i'r ysbyty'n syth gan nad oedd yr un ambiwlans ar gael. Yn ogystal, aeth y swyddogion ati'n gyflym i gael adroddiadau gan dystion er mwyn gallu defnyddio'r dystiolaeth i sicrhau cyhuddiad a chollfarn.

Gweithiodd y swyddogion yn ddiflino yn ystod yr ymchwiliad gan ddefnyddio tystiolaeth fforensig ac arbenigwyr meddygol i amlinellu ffyrnigrwydd yr ymosodiad, a dangoswyd bod y ddioddefwraig wedi dioddef 17 toriad asgwrn yn ei hwyneb.

Mae Woods yn unigolyn peryglus tu hwnt, ac ystyrir y digwyddiad yn ymosodiad domestig erchyll. 

Nid oedd gan Woods, o Bencoed, unrhyw ddewis ond pledio'n euog i ymosodiad Adran 18.

Cafodd ei ddedfrydu i 13 blynedd a 6 mis o garchar yn ogystal â chael ei ystyried yn droseddwr treisgar am oes.

Rwy'n gobeithio y bydd y ddedfryd hir hon yn dod â rhywfaint o dawelwch meddwl i'r ddioddefwraig