Dyn o Abertawe yn ymddangos gerbron Llys Ynadon Westminster

Mae Alex Hutton (a adnabyddir hefyd fel Alex Edwards), 18 oed, o Dreforys, Abertawe, wedi ymddangos gerbron Llys Ynadon Westminster ar y cyhuddiad o:

• Ledaenu cyhoeddiad terfysgol ar ddyddiadau rhwng 24 Medi 2023 a 16 Tachwedd 2023, yn groes i Adran 2 o Ddeddf Terfysgaeth 2006,
• Ceisio achosi niwed corfforol difrifol yn fwriadol ar 20 Mai 2023, yn groes i Adran 1 (1) o Ddeddf Ymgeisiau Troseddol 1981
• Ymosod gan achosi niwed corfforol gwirioneddol ar 20 Mai 2023, yn groes i Adran 47 o Ddeddf Troseddau yn erbyn y Person 1861
• Torri Gorchymyn Ymddygiad Troseddol a osodwyd arno ar 9 Medi 2021, rhwng 1 Gorffennaf 2022 a 15 Tachwedd 2023, yn groes i Adran 339 o Ddeddf Dedfrydu 2020.
• Meddu ar eitem lafnog mewn man cyhoeddus rhwng 9 Tachwedd 2023 a 12 Tachwedd 2023, yn groes i Adran 139 o Ddeddf Cyfiawnder Troseddol 1988.

Ymddangosodd Hutton yn y Llys ddydd Sadwrn 18 Tachwedd 2023. Cafodd ei remandio i'r ddalfa eto a bydd yn ymddangos gerbron y Llys Troseddol Canolog ar 24 Tachwedd.

Mae'r ymchwiliad yn parhau ac nid oes unrhyw risg i'r cyhoedd wedi cael ei nodi.

Dylai unrhyw un sy'n gweld neu'n clywed rhywbeth a allai fod yn gysylltiedig â therfysgaeth weithredu ar ei reddf a ffonio'r heddlu yn gyfrinachol ar 0800 789 321. Mewn argyfwng, ffoniwch 999 bob amser. Ewch i gov.uk/ACT am ragor o wybodaeth, gan gynnwys sut i roi gwybod am gynnwys terfysgol neu eithafol sy'n ymddangos ar-lein.