Ditectifs yn lansio ymchwiliad i lofruddiaeth ar ôl marwolaeth dyn yn Nhrefforest, Pontypridd.

Cafodd Heddlu De Cymru adroddiad ychydig cyn 7.55pm neithiwr, nos Sul 17 Rhagfyr, bod rhywun wedi ymosod ar ddyn 30 oed mewn eiddo ar Princess Street, Trefforest.

Mae ei deulu wedi cael gwybod ac mae lleoliad y digwyddiad wedi'i ynysu o hyd wrth i'r ymholiadau barhau.

Dywedodd y Ditectif Uwch-arolygydd Mark O’Shea sy’n arwain yr ymchwiliad: “Rydym yn cydymdeimlo â'i deulu a'i ffrindiau ar yr adeg anodd iawn hon a byddwn yn parhau i'w cefnogi wrth i'n hymholiadau barhau.

“Mae'n hollbwysig ein bod yn canfod yn union beth ddigwyddodd ac rwy'n apelio i'r cyhoedd am gymorth.

“Byddwn yn annog unrhyw un a oedd yn yr ardal rhwng 7pm a 8.30pm neithiwr ac a welodd unrhyw beth a allai helpu ein hymchwiliad i gysylltu â ni. Os oes gennych ddeunydd fideo camera dashfwrdd, teledu cylch cyfyng preifat neu ddeunydd fideo cloch drws, dylech ei anfon atom. Yn benodol, rydym yn awyddus i gael unrhyw ddeunydd fideo ar hyd Broadway tuag at ganol tref Pontypridd.

“Os gwnaethoch weld unrhyw beth, neu os ydych wedi clywed unrhyw beth ers y digwyddiad, ni waeth pa mor ddibwys ydyw yn eich barn chi, gallai eich gwybodaeth ychwanegu sicrwydd at fanylion nad ydym wedi eu cadarnhau hyd yma.

“Rwyf am roi tawelwch meddwl i'r trigolion lleol y bydd mwy o swyddogion yr heddlu i'w gweld yn yr ardal wrth i ni gynnal ymholiadau helaeth. Gall unrhyw un sydd â gwybodaeth neu bryderon siarad â'n swyddogion hefyd”.

Gallwch gyflwyno deunydd fideo o ffonau symudol, camerâu teledu cylch cyfyng, clychau drws neu gamerâu dashfwrdd neu wybodaeth drwy ddilyn y ddolen hon ar gyfer yr ymchwiliad - https://mipp.police.uk/operation/62SWP23B81-PO1

Fel arall, gellir defnyddio'r cod QR hwn.