Mae heddlu yn Abertawe sy'n ymchwilio i ymosodiad difrifol ym Mhenlan ar ddydd Nadolig yn apelio am wybodaeth

Canfuwyd dyn 54 oed o Fôn-y-maen wedi'i anafu yng ngardd tŷ yn Heol Tegeirian tua 2pm ddydd Llun, 25 Rhagfyr.

Mae mewn cyflwr difrifol wael yn yr ysbyty.

Mae menyw 49 oed o Benlan wedi cael ei harestio ar amheuaeth o ymosod arno, ac mae yn y ddalfa.

Dywedodd y Ditectif Arolygydd Paul Jones:

“Rydym yn apelio ar unrhyw un a allai fod wedi gweld yr ymosodiad hwn neu a allai fod wedi clywed aflonyddwch yn Heol Tegeirian, Penlan, ar ddydd Nadolig, unrhyw bryd hyd at tua 2pm, i gysylltu.
"Mae ymholiadau yn mynd rhagddynt yn yr ardal i'n helpu i gadarnhau amgylchiadau'r digwyddiad hwn.”

Os gallwch helpu, cysylltwch â Heddlu De Cymru drwy un o'r ffyrdd canlynol gan ddyfynnu'r cyfeirnod 2300436937.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bost [email protected]
• 101

Ffoniwch 999 bob amser mewn argyfwng.