Delwyr cyffuriau o Lanisien wedi'u carcharu am dros 11 mlynedd

Delwyr cyffuriau a gwyngalchwyr arian o Lanisien wedi'u carcharu am dros 11 mlynedd yn Llys y Goron Caerdydd

Cafodd Liam Gonzales (ar y chwith), 35 oed, a Habinder Baines, 36 oed, eu harestio ar ôl i swyddogion mewn dillad plaen eu gweld yn ymddwyn yn amheus yn Llanisien ym mis Mawrth 2023. Cafodd y ddau ddyn eu cadw yn y ddalfa, ac wrth chwilio eu ceir, daethpwyd o hyd i 1kg o gocên, gwerth rhwng £80,000 a £100,000 ar y stryd, wedi'i guddio o dan sedd car plentyn.

Daethpwyd o hyd i £24,000 mewn arian parod yn y car hefyd. Cafodd Bains and Gonzalez eu harestio ar amheuaeth o fod â chyffur dosbarth A yn eu meddiant, a chafodd y ddau eu dedfrydu ar 18 Rhagfyr yn Llys y Goron Caerdydd.

Cafodd Liam Gonzales ddedfryd o chwe blynedd a naw mis, a chafodd Habinder Baines ddedfryd o bedair blynedd a phedwar mis.

Dywedodd y Ditectif Ringyll Geoffery Banks, “Mae swyddogion mewn dillad plaen yn parhau i batrolio ein strydoedd mewn ceir heb eu marcio er mwyn mynd i'r afael ag achosion anghyfreithlon o fasnachu mewn cyffuriau a gwyngalchu arian. Rwy'n gobeithio y bydd hyd y dedfrydau hyn yn atal unrhyw un rhag cymryd rhan mewn gweithgarwch o'r fath, a'u bod yn tynnu sylw at ddifrifoldeb troseddau cyfundrefnol yn llygaid yr heddlu a'r llysoedd.”