Teyrnged gan deulu yn dilyn gwrthdrawiad angheuol

Mae Heddlu De Cymru yn parhau i ymchwilio i wrthdrawiad angheuol ar y B4290 yn Llandarcy a ddigwyddodd tua 3:45am ddydd Sul 24 Rhagfyr 2023

Bu farw menyw 30 oed o Gastell-nedd o ganlyniad i'r gwrthdrawiad ac ers hynny, mae wedi cael ei henwi'n Kathryn Hughes.

Mae teulu Kathryn wedi talu'r deyrnged ganlynol iddi.

“Roedd Kathryn yn fam, yn wraig, yn ferch, yn chwaer ac yn fodryb anhygoel. Roedd pawb yn ei charu. Fel teulu, mae ein calonnau wedi torri'n llwyr. Bydd colled fawr ar ei hôl ymysg pawb a oedd yn ei hadnabod.

Roedd gan Kathryn enaid caredig a byddai bob amser yn rhoi pobl eraill yn gyntaf. Roedd wrth ei bodd â Disney, anifeiliaid a pharciau thema, ac ar ben ei digon yng nghwmni ei theulu.

Dymunwn hefyd ddiolch a dymuno'n dda i'r aelodau o'r cyhoedd a alwodd yr heddlu, i'r gwasanaethau brys a ymatebodd i'r ddamwain, ac i'r staff yn Ysbyty Treforys a hwylusodd ein hymweliad â hi.”

Mae swyddogion yn apelio am dystion i'r gwrthdrawiad, neu a all fod wedi gweld Toyota C-HR llwyd yn cael ei yrru yng nghyffiniau #Llandarcy a'r B4290 rhwng 3:45am a 4:00am ddydd Sul 24 Rhagfyr.

Os oes gennych unrhyw wybodaeth neu ddeunydd fideo camera dashfwrdd o'r gwrthdrawiad, cysylltwch â ni gan ddyfynnu cyfeirnod 2300435955

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.

Neu 📞Crimestoppers yn ddienw ar 0800 555 111