Datganiad i'r Wasg gan HDC: Ymosodiad difrifol yn Sgwâr Canolog Caerdydd

Mae Heddlu De Cymru yn parhau i ymchwilio i ymosodiad difrifol a ddigwyddodd neithiwr (dydd Mercher, 19 Rhagfyr) yn Sgwâr Canolog Caerdydd tua 8.45pm.

Mae dau ddyn ifanc, 18 ac 17 oed, yn yr ysbyty ar ôl cael eu trywanu, a dywedir eu bod mewn cyflwr difrifol wael.

Mae'r cordonau a roddwyd ar waith gan yr heddlu mewn sawl man yng nghanol y ddinas, gan gynnwys ar Heol Eglwys Fair, wedi cael eu tynnu i lawr. Hoffem ddiolch i aelodau'r gymuned am eu cymorth, eu dealltwriaeth a'u hamynedd yn ystod yr ymchwiliad hwn.

Dywedodd y Ditectif Uwch-arolygydd Tom Moore o Heddlu De Cymru: "Mae ymholiadau helaeth yn parhau er mwyn sefydlu amgylchiadau'r digwyddiad hwn.

"Mae gennym ddeunydd Teledu Cylch Cyfyng o'r adeiladau cyfagos a fydd yn ein helpu i geisio creu darlun o'r hyn a ddigwyddodd nos Fercher.

"Credir bod dau grŵp o bobl ifanc yn yr ardal cyn yr ymosodiad, a byddem yn apelio ar unrhyw un sydd â gwybodaeth neu ddeunydd fideo i gysylltu â ni."

Os gallwch helpu, cysylltwch â Heddlu De Cymru drwy un o'r ffyrdd canlynol gan ddyfynnu'r cyfeirnod 2300430965.

•  Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bostio [email protected]
• 101 neu Crimestoppers yn ddienw ar 0800 555111

Ffoniwch 999 bob amser mewn argyfwng.

Er nad yw troseddau'n ymwneud â chyllyll yn rhan o fywyd beunyddiol yn Ne Cymru, mae'n bwysig ein bod yn parhau i weithredu er mwyn atal problem rhag digwydd.

Dim ond lleiafrif o'n poblogaeth y mae troseddau'n ymwneud â chyllyll yn effeithio arnynt. Fodd bynnag, gall unrhyw ddigwyddiad yn ymwneud â chyllell arwain at ganlyniadau trychinebus i'r bobl dan sylw.

Drwy ein hymgyrch #DdimYrUn, rydym yn anelu at addysgu pobl ifanc am beryglon cario cyllell drwy roi'r adnoddau sydd eu hangen ar rieni, athrawon a grwpiau cymunedol i wneud hynny. https://www.nottheone.co.uk/cy