Arestio dyn am ddwyn o archfarchnad Lidl

Mae dyn lleol, 54 oed, wedi cael ei arestio mewn cysylltiad ag achos o ladrad arfog yn archfarchnad Lidl yn Nowlais, Merthyr Tudful.

Cafodd ei arestio y bore yma ar amheuaeth o ladrata ac mae yn nalfa'r heddlu.

Am oddeutu 5.15pm ddydd Sadwrn, 16 Rhagfyr, aeth dyn i mewn i'r siop gyda chynhwysydd tanwydd, gan arllwys y cynnwys dros aelod o'r staff, gan fynnu arian parod o'r til.

Cafodd cyflogeion eraill ac aelodau o'r cyhoedd eu bygwth a thaflodd y dyn ddiesel atynt.

Cafodd oddeutu £500 ei ddwyn.

Mae nifer o eitemau wedi cael eu cadw er mwyn cynnal archwiliad fforensig.

Dywedodd y Ditectif Ringyll Tony Watts: “Roedd hwn yn ddigwyddiad dychrynllyd i'r staff a'r siopwyr yn Lidl. Mae un dyn wedi cael ei arestio ac mae ymchwiliad yn mynd rhagddo.”

Gofynnir i unrhyw un sydd â gwybodaeth gysylltu â Heddlu De Cymru drwy un o'r ffyrdd canlynol gan ddyfynnu 2300427053.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.