Ymosodiad yn Aberfan

Cyhoeddi diweddariad - 4:31pm 5/12/23

Yn dilyn adroddiad bod menyw 29 oed wedi cael ei thrywanu ar Heol Moy, Aberfan, Merthyr Tudful, yn gynharach y bore ma, mae swyddogion wedi arestio dyn 28 oed o Ferthyr Tudful o dan amheuaeth o ymgais i lofruddio.

Mae yn nalfa'r heddlu ar hyn o bryd.

 

Cyhoeddi diweddariad - 12:59pm 5/12/23

Galwyd Heddlu De Cymru ychydig cyn 9.10am bore ma yn dilyn adroddiad bod menyw 29 oed wedi cael ei thrywanu ar Heol Moy, Aberfan, Merthyr Tudful.

Gadawodd y sawl dan amheuaeth y safle ar unwaith wedi'r digwyddiad, ac mae ymholiadau'n parhau er mwyn dod o hyd iddo. Mae chwiliad o'r ardal gyfagos ar waith gan swyddogion arfog.

Mae'r ysgolion lleol wedi gweithredu eu protocolau cyfyngiadau symud i gadw disgyblion yn ddiogel tra bo'r digwyddiad yn mynd rhagddo.

Rydym yn parhau i ofyn i bobl osgoi'r ardal fel bod modd i ni ymdrin â'r digwyddiad hwn yn effeithiol.

Cludwyd y fenyw i'r ysbyty gydag anafiadau, ond ni chredir eu bod yn bygwth ei bywyd ar hyn o bryd.

 

Cyhoeddi datganiad - 11:43am 5/12/23

Mae'r gwasanaethau brys yn ymateb i ymosodiad difrifol a ddigwyddodd ar Heol Moy, Aberfan, Merthyr Tudful, ychydig cyn 9.10am y bore ma.

Mae swyddogion arfog yn yr ardal, a gofynnwn i bobl osgoi'r ardal fel bod modd i ni ymdrin â'r digwyddiad hwn yn effeithiol.

Bydd rhagor o fanylion i ddilyn yn fuan.