Arestio tri pherson mewn cysylltiad â llofruddiaeth Daniel Rae
Cynnwys y prif erthygl
Dywedodd y Ditectif Uwch-arolygydd Mark O’Shea sy’n arwain yr ymchwiliad: “Gallaf gadarnhau bod tri pherson wedi cael eu harestio yn dilyn marwolaeth Daniel Rae mewn eiddo ar Princess Street, Trefforest, ddydd Sul.
“Mae dau ddyn wedi cael eu harestio ar amheuaeth o lofruddiaeth, dyn 22 oed o Firmingham a dyn 33 oed o Lyncoch, Pontypridd. Cafodd menyw 21 oed o Drefforest ei harestio ar amheuaeth o gynorthwyo troseddwr a chynllwynio i wyrdroi cwrs cyfiawnder.
“Hoffwn ail-ddweud ein bod yn credu mai digwyddiad wedi'i dargedu oedd hwn ac ar hyn o bryd, rydym yn hyderus nad oes unrhyw risg ehangach i'r cyhoedd.
“Os oeddech yng nghyffiniau Princess Street neu Broadway am oddeutu 7.30pm nos Sul, neu os ydych wedi clywed unrhyw beth mewn perthynas â'r llofruddiaeth, ni waeth pa mor ddibwys ydyw yn eich barn chi, cysylltwch â ni. Gallai eich gwybodaeth o leiaf ychwanegu sicrwydd at fanylion nad ydym wedi'u cadarnhau eto.”
Mae'r Tîm Ymchwilio i Droseddau Mawr yn ymchwilio i lofruddiaeth Daniel, ynghyd â swyddogion a staff o bob rhan o Dde Cymru.
Gallwch gyflwyno deunydd fideo o ffonau symudol, camerâu teledu cylch cyfyng, clychau drws neu gamerâu dashfwrdd neu unrhyw wybodaeth arall y gall fod gennych drwy ddilyn y ddolen hon ar gyfer ymchwiliad y Tîm Ymchwilio i Droseddau Mawr - https://mipp.police.uk/operation/62SWP23B81-PO1