Teyrnged teulu i David Ejimofor
Cynnwys y prif erthygl
Mae teulu David Ejimofor wedi cyhoeddi'r deyrnged ganlynol iddo:
Gyda chalonnau trwm a galar aruthrol rydym yn cyhoeddi marwolaeth sydyn David Ejimofor, ein mab, brawd, cefnder, nai a ffrind annwyl.
Yn drasig, collodd ein hannwyl David, bachgen ifanc bywiog ac addawol 15 oed, ei fywyd mewn damwain boddi ar draeth Aberafan ar 19 Mehefin 2023. Mae'n fachgen duwiol a moesgar â diddordeb brwd mewn chwaraeon ac iechyd. Roedd bob amser yn ymdrechu am y gorau. Roedd ganddo wên heintus, natur ofalgar, ac roedd yn llawn brwdfrydedd. Bydd llawer yn gweld ei eisiau'n fawr.
Mae'r digwyddiad torcalonnus hwn wedi cael effaith fawr arnom. Fel y disgrifir gan y bobl leol, "roedd yn llonni pawb".
Daeth breuddwydion David o gael dyfodol disglair i ben yn gynnar, ond bydd y rhai a oedd yn ei adnabod ac yn ei garu yn ei gofio am byth.
Rydym yn croesawu ymchwiliad yr heddlu i'r digwyddiad anffodus hwn ac rydym yn disgwyl am adroddiad trylwyr.
Nid yw hyn yn rhywbeth y byddem am i unrhyw un arall orfod ei ddioddef. Dyma pam rydym yn defnyddio bywyd ein hannwyl David fel esiampl ar gyfer newid. Diolch am eich cymorth, eich cariad ac am weddio drostom.
Dyma ddoleni ar gyfer ein deiseb change.org, sy'n ceisio gwella diogelwch ar draeth Aberafan ac erthygl newyddion sy'n ymwneud â'r digwyddiad:
Diolch o waelod calon,
Teulu Ejimofor