Dyn wedi'i ddedfrydu i wyth mlynedd a hanner am gyflenwi heroin

Mae Essac Ali wedi’i garcharu am wyth mlynedd a hanner ar ôl iddo ei ganfod â gwerth hyd at £2.2m o heroin a chrac cocên yn ei feddiant.

Cafodd Ali, 35 oed, ei arestio yng Nghaerdydd ar 8 Mawrth ar ôl iddo gael ei orfodi i stopio ei gar gan symudiad blwch tri char pan geisiodd ddianc.

Arweiniodd at chwiliadau a gynhaliwyd wedyn mewn cyfeiriadau a oedd yn gysylltiedig ag Ali yn Heol y Gadeirlan, Caerdydd, a’r Barri at adfer swm sylweddol o gyffuriau Dosbarth A a oedd wedi’u cuddio uwchlaw nenfwd crog a £37,320 o arian parod wedi’i guddio o dan wely mewn cyfeiriad yn y Barri.

Cafodd cyfanswm o fwy na 17kg o heroin a 4kg o grac cocên eu hadfer ynghyd â'r arian parod. Cyfrifwyd bod gwerth cyfanwerthol y cyffuriau rhwng £300,000 a £438,000 ond byddent wedi cael gwerth stryd yn y pen draw o hyd at £2.28m. Plediodd Ali yn euog i ddau gyhuddiad o fod â meddiant gyda'r bwriad o gyflenwi cyffuriau dosbarth A a meddu ar eiddo troseddol.

Dywedodd y Ditectif Gwnstabl Joe Lewis:

“Dyma oedd un o’r atafaelau mwyaf erioed gan Heddlu De Cymru. Mae'r symiau enfawr a atafaelwyd yn awgrymu bod hyn yn rhan o ymgyrch sylweddol a byddai'r heroin a'r cocên hwn wedi cyrraedd strydoedd De Cymru yn y pen draw.

Mae cyffuriau yn sarnu cymunedau lleol ac mae erlyn Essac Ali yn dangos ymrwymiad Heddlu De Cymru i amharu ar grwpiau troseddau cyfundrefnol, cael gwared ar gyffuriau oddi ar ein strydoedd a dod â’r rhai dan sylw o flaen eu gwell.”