Teyrnged gan deulu yn dilyn gwrthdrawiad difrifol yn Aberpennar

Mae teulu Martin Saunders o ardal Aberpennar, a gollodd ei fywyd mewn gwrthdrawiad traffig ffyrdd ar Ffordd Caerdydd, Aberpennar ddydd Sadwrn, 17 Mehefin, wedi talu teyrnged iddo.

Dywedodd teulu Mr Saunders:

“Dim ond 48 oed oedd e pan gafodd ei gymryd oddi wrthym, roedd yn fab, yn dad, yn Gransha ac yn dad yng nghyfraith hyfryd.

“Roedd wrth ei fodd â cherddoriaeth ac yn hoff iawn o anifeiliaid ac roedd ganddo ddiddordeb brwd mewn beiciau modur.

“Roedd yn adnabyddus iawn yn y gymuned ac roedd pawb a oedd yn ei adnabod yn ei garu. Roedd ganddo galon aur ac roedd yn gwbl anhunanol a byddai'n helpu unrhyw un mewn angen.”

Ychwanegodd ei ferch Jasmine:

“Ni all dim esbonio'r golled rydym i gyd fel teulu yn ei theimlo nawr. Roedd Martin yn Dad i fi ac roedd yn unigryw. Roedd yn caru ei deulu yn ddiamod.

Bydd colled fawr ar ei ôl gan bawb a oedd yn ei garu ac yn meddwl y byd ohono. Ef oedd y tad gorau y gallai unrhyw un ofyn amdano.

Mae wedi cael ei gymryd oddi wrthym yn rhy gynnar o lawer ac ni all unrhyw beth lenwi'r bwlch y mae wedi'i adael. Wn i ddim sut y byddaf yn dod i delerau â'r hyn sydd wedi digwydd. Bydd yn ein calonnau am byth a fyddwn ni byth yn ei anghofio."

Ychwanegodd ei dad:

“Roedd Martin yn fab perffaith; Ni allaf ddod o hyd i'r geiriau i fynegi'r golled rwyf yn ei theimlo ar hyn o bryd.

"Ni ddylai unrhyw riant fyth orfod delio â cholli mab, yn enwedig mor ifanc."

Mae ymchwiliad yn dal i fynd yn ei flaen i achos y gwrthdrawiad, ac mae swyddogion yn apelio ar unrhyw un a fu'n dyst neu sydd â fideo o gamera dashfwrdd a allai fod o gymorth i gysylltu â ni, gan ddyfynnu 2300199828.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bost [email protected]
• 101

Ffoniwch 999 bob amser mewn argyfwng.