Diweddariad: Ymchwiliad yn parhau i dân angheuol mewn tŷ yn West Cross.

Mae Heddlu De Cymru yn parhau i ymchwilio i dân angheuol mewn tŷ yn West Cross, Abertawe.
Cafodd y gwasanaethau brys eu galw i’r tân yn Gonhill tua 1.20pm ddoe (dydd Sadwrn, Gorffennaf 1).
Bu farw bachgen tair oed yn y tân ac mae dyn 51 oed mewn cyflwr difrifol yn Ysbyty Treforys.
Cafodd merch 13 oed a dynes 39 oed driniaeth am effeithiau anadlu mwg.
Dywedodd y Ditectif Arolygydd Carl Price, o Heddlu De Cymru: “Rydym yn meddwl am deulu a ffrindiau’r bachgen ifanc a fu farw mewn tân mewn tŷ yn West Cross, Abertawe.
“Mae ymchwiliad yn parhau i sefydlu union amgylchiadau’r tân.
“Hoffem gydnabod ymdrechion y gymuned leol a diolch iddynt am y gefnogaeth sy’n cael ei chynnig a’i darparu i’r teulu yn dilyn y digwyddiad trasig hwn.”
Nid yw achos y tân, a gafodd ei gyfyngu i un eiddo, yn hysbys ar hyn o bryd ac mae ymchwiliad ar y cyd yn cael ei gynnal gan yr heddlu a’r gwasanaeth tân.