Crynodeb o ddatganiad a gyhoeddwyd gan Swyddfa Annibynnol Ymddygiad yr Heddlu heddiw
Cynnwys y prif erthygl
Ddydd Llun, 12 Mehefin, cyflwynodd ymchwilwyr o Swyddfa Annibynnol Ymddygiad yr Heddlu hysbysiadau camymddwyn difrifol i ddau o swyddogion Heddlu De Cymru fel rhan o’u hymchwiliad yn dilyn marwolaethau Kyrees Sullivan a Harvey Evans yn Nhrelái ar 22 Mai.
Fel y dywed yr IOPC yn ei ddatganiad mae hysbysiadau o'r fath yn cynghori swyddogion y bydd ymchwiliad i'w hymddygiad. Nid ydynt o reidrwydd yn golygu y bydd unrhyw achos disgyblu yn dilyn.
Mae'r heddlu yn parhau i gydweithredu'n llawn ag ymchwiliad Swyddfa Annibynnol Ymddygiad yr Heddlu ac yn darparu gwybodaeth a deunyddiau ar ei gyfer, gan gynnwys deunydd fideo o gamerâu teledu cylch cyfyng a chamerâu a wisgir ar y corff.
Rydym yn cydnabod yr effaith y mae marwolaethau Kyrees Sullivan a Harvey Evans wedi ei chael ar eu teuluoedd, eu ffrindiau a’r gymuned ehangach. Rydym yn parhau i feddwl amdanynt ac yn cynnig ein cydymdeimlad iddynt.